Sad Poems

...yaad...

aaj phir yad us ki mujhe aai hai,
aaj phir sang apne lakhon gam lai hai,
aaj phir matam hoga mere dil ka,
na jane kab tak yeh silsila rahe ga,
aaj phir bahot door shanaiyan baje gi,
jaise ki mera dil pe churiyan chalage,
aaj phir koi hase ga to koi roe ga, 
na jane kon jage ga to koi soe ga,aaj phir kismat meri mujhe wohin lai hai,
jahan par likhi hui abhi tak judai hai

-

Main aaj bhi chup hoon
Main kal bhi chup thi
Log kehtay hain kuch to bolo
Apni khamoshi ke band kholo
Main sochti hoon kya boloon
Jo kuch mere dil main hai kis se kahon?
Un say jo nahin jantay
Jazbon ki haqeeqat kya hai
Rooh kay sannaton main ghulti hooi
Qatra qatra see azeeat kya hai
Jo samajhtay hain ke insaan faqt
Chand ashyaa-e-zaroorat ka hai mohtaj
Yeh mohabbatain yeh rafaqatain
Yeh khuloos-o-wafa ki rahatain
Sab bay mani lafzon ke gharonday hain
Jin main baaith kar insaan
Haqeeqaton se faraar chahta hai
Magar meri soach in say mukhtalif hai 

Or ye he tanao ye he nafraton ka baais hai
Main kal bhi chup thi
Main aaj bhi chup hoon :(
-

Apnee sochoan ke andheron main safar karti hoi
Zehn per apne khayalaat ka boajh liye
Phir rahi hoon barri bojhal bojhal
Sochti hoon meri sochon ka yeh tareek safar
Jaane kub khatam ho ik dor naya aajae
Meri taqdeer ke aangan main
Sahar kar jaey..............................

-

Chalo ik baar phir say ajnabi bun jaayain hum dono
Na main tum say koi umeed rakho dil nawazee ki
Na tum meri taraf dekho ghalat-andaaz nazron se
Na meray dil ki dharhkan larhkharhaaye meri baatoan main
Na zaahir ho tumhaari kushmakush ka raaz nazron se
Tumhain bhi koi uljhan rokti hai paish-qadmi se
Mujhe bhi log kehtay hain ke kya jalway paraaye hain
Meray humraah bhi ruswaaiyaan hain meray maazi ki
Tumhaaray saath bhi guzree hoi raaton ke saaye hain
Taarruf rog ho jaaye to us ko bhoolna behtar
Taalluq bojh bun jaaye to us ko torna achha
Woh afsaana jisay takmeel tak laana na ho mumkin
Usay ik khoobsoorat morr dey kar chhorrna achha
Chaloa ik baar phir say ajnabi bun jaayain hum dono

-

Dard meri zindagi ka ek hissa sa ban gaya hai . . . . . . . . . . . . . . .

khushiyon ka mujh see rothnaa ek silsila sa ban gaya hai . . . . . . . .

jub se tote hain mere sapne jub se chohti hain mujh say khushiya jub se
rothay hain mere apne . . . . . .

han tab se bas tab se hansna bolna
muskuranaa khush rehnaa sab banawat
sa lagnee laga hai . . . . . . . .

bas tabhi se dard meri zindagii ka ek
hissa sa ban gaya hai . . . . . . .
 -

Bhalay dinoan ki baat hai
Bhali si aik shakl thee
Naa yeh kay husn-e-tamam ho
Naa daikhnay main aam see

Na yeh kay wo chalay to phir
Bahar rehguzar lagay
Magar wo jab bhi saath ho
Bhala bhala safar lagay

Koi bhi rutt hoa us ki chab
Fiza ka rang roop thee
Woh garmioun ki chaoon thee
Wo sardioun ki dhoop thee

Naa muddatoun juda rahay
Naa saath subh-o-shaam ho
Naa rishta-e-wafa pay zid
Naa yeh kay azn-e-aam ho

Naa aisi khush libaasian
Kay saadgi gilaa karay
Naa aisi baytakaluffi
Kay aaina haya karay

Naa ekhtilaat main wo ram
Kay badmaza hoan khwahishain
Naa iss qadar supurdagi
Kay zich karain nawazishain

Naa aashqi junoon kee
Kay zindagi azaab ho
Naa is qadar khatoor pan
Kay dosti kharab ho

Kabhi to baat pay kafi
Kabhi sukoot bhi sukhan
Kabhi to kusht-e-zafraan
Kabhi udaasioun ka ban

Bhali si aik shakl thee
Bhali si us ki dosti
Ab uskee yaad raat din
Naheen, magar kabhi kabhi 

-

 Zahir main hansi hai ander main her aik dukhi hai..

Her shaks nikalta hay yooun chehra saja k...

Hum rasm-o-rah mehr-o-muhabbat bhool chukay hain...

Ab adawat-o-nafrat k rahain gay ranj otha k...

Jab chor diya hum nay  akal k daman...

Sach kehtay ho tum,

Humain koon samjhai ga aa k...!!!

 

-

Tum pocho aur main na btaon , Aaeysay tu halaat nahi!!

Aik zra sa dil tota hai , Aur tu koi baat nahi!!

Kis ko khaber thee sanwalay badal bin bersay uRr jatay hain,

Sawan aya laykin apni , Kismat main bersaat nahi!!

Toot gaya jab dil tu phir saanso ka nagma kia myney,

Goonj rahi hai kion shehnai, Jab koi baraat nahi!!

Mere ghumgeen honay per ehbaab hain kion hayraan katai,

 Jaysay main pather hoon mere , Sinay main jazbaat nahi!!

-

Jis ki qurbat main iqraar tha...Is ka milna doshwar tha...

Ju mere haath ki lakiron main Na tha...Os shaks se humain pyaar bohat tha...

Dukh ki thays humain sehna he thee...Ek shaks per humain aetbaar bohat tha...

Jis ko mere gher ka rasta maloom nahi...Isi ka dil ko intazaar bohat tha...

Nai zakhmon ki abhi kaber nahi hoi...Pehli he choton ka khumar bohat tha...

Na chahtay howay bhi osay bholaya...Kia kertay os ka israr bohat tha!!!

-

Aye mohabbat tere anjaam pe rona aaya,
Jaane kyun aaj tere naam pe rona aaya..
Yun to har shaam ummeedon me guzar jaati thi,
Aaj kuch baat hai, jo shaam pe rona aaya..
Kabhi taqdir ka maatam, kabhi duniya ka gila,
Manzil-e-ishq me har qadam pe rona aaya...
Jab hua zikr zamaane me mohabbat ka
Mujhko apne dil ki nakami pe rona aaya.....
-
main lafzon mai kuch bhi izhar nahi karti,
 iska matlab ye nahi k main tujhe pyar nahi karti ....
chahti hoon main tujhe aaj bhi par,
teri soch mein apna waqt bekar nahi karti...
tamasha naa ban jaaye kahin mohabbat meri .....
isi liye apne dard ko namoodaar nahi karti.....
jo kuch mila hai usi mein khush hoon main....
tere liye khuda se taqraar nahi karti ....
par kuch to baat hai teri fitrat mein zalim...
warna Mein tujhe chahne ki khataa bar bar nahi karti....!!
-
Aik muddat se jisy maine dekha nahi aaj bhi main usko bhooli nahi
aaj bhi yaad uski aati to hai aaj bhi raat ko main soti nahi
aaj bhi darya mere samnay hai aaj bhi main toot ke bikhri nahi
aaj bhi wada apna sacha to hai aaj bhi pyaar apna jhoota nahi
aaj bhi main oski to hon farq itna hai k wo mera nahi.....!
-

zamanay say suna tha kay mohabat har jati hay...

jo chahat ik terfa ho wo chahat har jati hay

kahi per duaa ka il lafz bhi asar ker jata hay...

kahin burson ki ibadat har jati hay

mohabat kub kisi ko dushmani ka durs daiti hay...

mohabat ki bazi main adawat har jati hay

humain kitnay bhi shikway hon us ki jufaon kay...

per us kay samnay her ik shikayt har jati hay

ik arzo si hay kay us ko bhool jain hum...

per us ki yad atay hi ye husrat haar jati hay.

-

kisi nay kaha phool say kay mughay buta
to aj tuk kion khilta raha...
to nay to di sub ko khushbo
tujh ko kia milta raha?
phool nay muskra ker kaha
abhi to nadan hay..
jewan kay suchay piar say to abhi anjan hay...
denay kay budlay kuch leena
wo to ik karobar hay...
jo day ker bhi kuch na mangay..
wohi sucha piar hay.
-

Suno..
tum laut aao na

Wo dekho chaand nikla hai
Sitaare jag magaye hain

Hamaari muntazir aankhein
Duaein maangti aankhein
Tumhain hi sochti aankhein
Tumhain hi dhondti aankhein
Tumhein waapis bulati hain

Ye dil jab bhi dharakta hai
Tumhara naam leta hai

Ye aansoo jab bhi behte hain
Tumhare dukh mein behte hain

K barish jab bhi hoti hai
Tumhe hi yaad karte hain

Khushi koi jo aaye bhi
Tumhare bin adhoori hai

Suno...

tum laut aau na...
tum laut aau na...

-

Raabta on se tor kar hamne udaasi ka jaam pee liya hai

jab se unhon ne kisi or se mulaqaton ka silsila shuru kiya hai

hum kyun nahi samjhte ke mohabbat mere naseeb main nahi
jo aaj phir se rah-e-ishq ko azma liya hai

chahat ke phool to khilte hai roz hi magar
hum unhein dil main aik raz ki tarha chupate hain

Isi liye hai hoonth chup or band kar li hain aankhein
aise he ab wafa -e- dosti aada karte hain

duaon main mangtay hain un ki khushi aur salamti
par khud ab roz ghut ghut kar mara karte hain

 

-

Meri hansee pe mat jaana aye dost..
humne gham chupane ke andaaz mehaz badal diye hein..

Meri aahon ko tu saans mat samajh..
humne jiye jaane ke andaaz mehaz badal diye hein..

Meri palkon ki hulchal ko aise mat dekh..
humne ashq pochney ke andaaz mehaz badal diye hein..

Meri dhadkanon ko tu suna na kar..
humne tera naam lene ke andaaz mehaz badal diye hein..

Meri nabz thamkar tu kya ginta hai..
humne teri chuan paane ke andaaz mehaz badal diye hein..

Mera chehra dhak kar tu ab chala ja..
humne neend lene ke andaaz mehaz badal diye hein.

-

Dil ki chokhat pe ek deep jala rakha hai
Tere laut aane ka imkaan saja rakha hai

Rooth jaate ho to kuch aur haseen lagte ho
Hum ne yah soch ke hi tum ko khafa rakha hai

Tum jise rota hua chhorr gaey the ek din
Hum ne us shaam ko seeney se laga rakha hai

Chein lene nahin deta yeh kisi tor mujhe
Teri yaadon ne jo toofaan utha rakha hai

Jaane waale ne kaha tha ke woh laut aaey ga zaroor
Ek isi aas pe darwaaza khula rakha hai

Tere jaane se jo ek dhool uthi thi ghum ki
Hum ne us dhool ko aankhon mein bassa rakha hai

Mujh ko kal shaam se woh bohat yaad aane laga
Dil ne muddat se jo ek shaks bhula rakha hai

Aakhri baar jo aaya tha mere naam
Mein ne is khat ko kalejey se laga rakha hai-

Tumhain Dil Se Bhulate Hain Tu, Aankhain Khoob Roti Hain
Dard Dil Main Jagate Hain Tu, Aankhain Khoot Roti Hain..

Tumhare baad Chahat K Sabhi Punchi Uray Janaan
Kahin Bhi Dil Lagate Hain Tu, Aankhain Khoob Roti Hain

Teri Tasweer, Adhoore Khat, Tu Jala Diye Hum Ne
Ab Paani Pe Naqsh Banate Hain Tu, Aankhain Khoob Roti Hain

Ghata Aawargi Main Jab, Siyah Choola Pehanti Hai
Parinde Jab Satate Hain Tu, Aankhain Khoob Roti Hain

Jab Bhi Shaam Dhalti Hai, Meri Qismat K Sab Taray
Falaq Par Jagmagate Hain Tu, Aankhain Khoob Roti Hain

Sard Tareek Raaton Main, Siyah Sawan Ki Barish Main
Dard Jab Muskurate Hain Tu, Aankhain Khoob Roti Hain

Sahil Ki Woh Mitti, K Jis Pay Khoon Hathoon Se
Wafa Likh Kar Mitate Hain Tu, Aankhain Khoob Roti Hain

-

Aaj udhas hoon to zamana mujhey phochne aya ..
Magar Jis pe tha sadiyon ka bharam woh nahi aya..


Woh to ek khuwaab tha toot gaya bikhar gaya hai..
ajj udhas lamhon main phir kyon mujhe woh yaad aya..


Zindagi ki musafit ke woh chand din jo guzar chuke hain..
na hi un pe urooj aya,our na hi un pe zawaal aya...

Bhool na chahta hoon har lamha,har waqt jo guzar gaya hai..
jitna bhi roka woh waqt utna mere sath chala aya...

Guzra hua kal na tha mera,na hai mera our na ho ga kabhi...
yeh mein janta hoon magar phir bhi na dil ko karaar aya..

woh wade teray woh kasmein woh sab yaad hain mujhe...
magar phir bhi kabhi tum ko mera dil na bhula paya..

Aana paye the tum to khudaar tha main bhi
yeh rishta hi humare dermiyan na raas aya..

us ki muskurahat tere liye ek fareb thi .........
tu tha nadan,dil tera usse na samajh paya

-

Tum bi hanstey rehtey ho
Hum bi hanstey rehtey hain
Gham dilo mai palttey hain
Aur pata nahi chalta
Kitney hi zamano sai
Kitney hi makano mai
roshni nahi hoti
aur pata nahi chalta
tum bin ji na paey gai
akser yey khahtey they
tum bin jitey rehtey hain
Aur pata nahi chalta

 

-

 

Sabhi udaas mausam hain
kabhi milne chale aao
Dukhon mein ham to gum-sum hain
kabhi milne chale aao

Tumhare paas to hongi zamane
bher ki sab khushian
Hamaray paas to gham hain
kabhi milne chale aao

Tumhari yaad ab dil ko
bahut takleef deti hai
Nigahein bhi to purnam hain
kabhi milne chale aao

Lage hain zakham kitne
be-baha dil pe mohabbat mein
Tumhare lafz marham hain
kabhi milne chale aao

Yeh patthar hi na ho jaayen
nigahain dekhte rasta
Ke khushian bhi to barham hain
kabhi milne chale aao...

 

-

 

Na socha tha yeh dil lagany se pehley
Ki tootay ga dil muskurany se pehley

Umeedon ka suraj na chamka na dooba
Gerhan per gaya jagmagany se pehley

Ager gham uthan tha qismat main apni
Khushi kion mili gham uthany se pehley

Kaho bijlion se na dil ko jalain
Mujhy phonk dain ghar jalany se pehley

-

 

youn he baaton he baaton main
ik din uss nay mujh say kaha tha
jo pyar kartey hain
woh jaaya nahi kartey
aur jaanay waalon ko kabhi
rouka nahi kartey

phir

youn he baaton he baaton main
mujhey abb yaad aaya hay
k ussay to jaanay ki jaldi thi....

 

-

 

Kitne Aziyat Say Uss Nay Mujh Ko Bhulaya Ho ga...
Mere Yadoon Nay Ussay Khub Rulaya Ho Ga..

Baat Be-Baat Aankh Uss Ki Jo Chalki Hoo Gi.......
Uss Nay Chahray Ko Bazuoon Main Chupaya Ho Ga

Soocha Hoo Ga Uss Nay Din Main Kayee Baar Mujhy.......
Naam Hathele Par Bhe Likh Likh Kay Mitaya Ho Ga...

Jahan Us Nay Mera Ziker Suna Hoo Ga Kisi Say..
Uss Ki Aankhoon Main Koe Aansoo Tu Aya Hoo Ga..

Raat Kay Bhegnay Tak Neind Na Aye Ho gi Tujhy........
Tuu Nay Takeye Ko Bhe Senay Say Lagaya Ho ga..

Hoo Kay Nidhal mere Yadoon Say Tuu Nay Jana.........
Mere Tasveer Pay Sar Apna Tikaya Hoo Ga......

Poocha Hoo Ga Jo Kisi Nay Tere Halat Ka Sabab....
Tuu Nay Batoon Main Khoob Us Say Chupaya Ho Ga....

 

-

 

kuchh aise ghaao bhii hote haiN
jin se zaKhmii aap nahiin dhote
bin roye huye aaNsuoN kii tarah
siine meN chhupaa ke rakhate haiN
aur saarii umr nahiin rote

niindeN bhii muhaiyaa hotii haiN
sapane bhii duur nahiiN hote
kyuuN phir bhii jaagate rahate haiN
kyuuN saarii raat nahiiN sote

ab kis se kaheN ai jaan-e-vafaa
ye ahal-e-vafaa kis aag meN jalate rahate haiN
kyuuN bujh ke raakh nahiiN hote

-

 

Seenay mein Dil hai
Dil mein Dard hai
Dard mein Nasha hai
Nashay mein Mithas hai
Mithas mein Meza hai
Mezay mein Arzoo hai
Arzoo mein Musarrat hai
Musarrat mein umeed hai
umeed mein Yaqeen hai
Yaqeen mein Khayal hai
Khayal mein Tasawur hai
Tasawur mein Tu hai
Tujh mein Ada hai
Ada mein Hayea hai
Hayea mein Nazakat hai
Nazakat mein Shooqi hai
Shooqi mein Tohfa hai
Tohfay mein Banawat hai
Banawat mein Apnayat hai
Apnayat mein Chahat hai
Chahat mein Kholoos hai
Kholoos mein Pyaar hai
Pyaar mein Ebadat hai
Ebadat mein KHUDA hai...... 

Poetry Collection 3

Samajh ker chand, Jis ko aasman nay Dil main rakha hai........

Mere Mehboob ki toti hoi chori ka tokra hai...

-

Main jis din bhola doon tera pyaar dil se

wo din akhri ho meri zindagee ka....

Ye ankhain osi raat ho jain andhi,

Ju tere siwa daykhay sapna kisi ka.......!!!

-

Mansoob Thay Jo Log Meri Zindigi K sath

As Kar wohe Milay Muje Bey-Rukhi K sath

Chehray Badal Badal Kar Muje Mil Rahey hain Log!

Itna Bura Salook ~ Meri Sadigi k Sath..........

-

jo na mil sakay wohi bewafa ye badhi ajeeb si baat hai
jo chala gaya mujhay chodh kar wohi aaj tak meray saath hai

-

tum sai juda hoey tu kissi ko haber na thi
mor mor kai dekhna mujhey badnam ker giya.

-

na merey kalam sai likhi gai na meri zuban sai adda hoi
jo nazar sai khahney ki bat hai wo kisi herf mai na samaey gi
koi phol chunta hai kis liye koi dhol hota hai kis terha
yey waqt waqt ki baat hai tujhey zindagi bataye gi

-

Rooth jaate ho to kuch aur haseen lagte ho
Hum ne yah soch ke hi tum ko khafa rakha hai

-

ussi kai nam sai lafzo mai chand uttertey hain
wo ik shahs dekho tu ankh bhar aey
jo kho chukey hain unhey dhondna tu momkin hai
jo ja chukey hain unhey koi kis terha lai

-

tumharey sath yey mosam baharo jaisa hai
tumharey bad yey mosam bohat rullaey ga

-

yeh wafaaon ka diya aap ne inaam mujhe
aap se door rahoon mil gaya paighaam mujhe

aap ko dil se bhulaaoon to bhulaoon kaise
aap ki yaad dilaati hai har ik shaam mujhe

dil k lutnay ka sabab pooch rahi hai duniya
yaad aa jaye na aise main tera naam mujhe

-

Hum Ne Aansoun Ko Bohot Samjaya
Ke Tanhaiyoon Main Aaya Karo
Mehfil Mein Humra Mazak
Maat Uoraya Karoo
Is per Aansoo Tarap Ke Bole
"Itne LogooN mein Bhi
Aap Ko Tanha Patay Hain
Issi Liyeen Aap Ka Sath Denay
Chalay Aatay Hain

-

Dard bohat ho ga hame jab chor kar jaein ge

royain ge bohat magar ansoo nahi aaein ge

jab saath na de koi to awaaz hame dena

aasmaaN par bhi ho ge to lott aaein ge...

My Poetry Collection 2

Do pyaar karney walon sey log jaltey hain,

Tarah-tarah ki batein kartey hain,

Jub Chaand aur Suraj ka hota hai khulkar milan,

Tu usey bhi log Grahan kehtay hain....

-

MuNh key bul girtey haiN wo log zameeN maiN aksar

AasmaN dekh key jo log chalaa kartey haiN

-

Dost Kabhi Doston Sa Khafa Nahi Hootay,

Dil Mil ker Kabhi juda Nahi Hootay.

Bhula Dena Humrahi Khamiyoon Ko,

Kyun Kay Insaan Kabhi Khuda Nahi Hootay

-

Apni halat ka tu ehsaas nahi hay mujh ko

Main nay oroon say suna hay keh parishaan hoon main

-

Barey Logon sey Milney mein Hamesha Faasla rakhna

Jahan Dariya Samamdar sey mila Dariya nahi rehta..

-

Kise ko itna na chahoo k phir bola na sakoo ..

 Yahan mizaage badalatay hain mosamoon ke taraha...

-

Kitni jaldi yeh mulaqat guzar jati hai

Piyas bhujti nahi our barsaat guzar jati hai

Apni yadon sey keh do keh yoon na aya karain

Neend atti nahi our raat guzar jati hai....

-

Bikhre aansoo kay moti hum piro na sakay

 Teri yaad main sari raat hum so na sakay

 Beh na jaye aansoowo main tasveer teri

Bas yahi soch kar hum ro na sakay

-

Royain gee aankhain muskuranay k baad

Aaey gee raat din dhaal janay k baad

O janay walay zara murh ker to dekh..!!

Shayid ye zindagi na rahay teray janay k baad.....

-

Dillagi karne wale yeh maat bhulo

Kabhi tumhay bhi dil lagana ho ga

 Rulaye ho jitnon ko pyar ki aag mein

 Otnay aansoon gin gin kar bahana hoga !

-

Jisne hum ko chaha, Ose hum chah na sakay

 Jis ko chahte thay, Ose hum pa na sakay

 Yeh samjho k dil tootne ka khel hai,

 Kisi ka tora aur apna bacha na sakay..!

-

Is se pehle keh bewafa ho jaein....

Kiun na aae dost hum juda ho jaein....

Tu bhi heere se bun giya pathar....

Hum bhi kal jane kia se kia ho jaein

-

Raat Hui Jab Shaam Ke Baad

 Teri Yaad Aayi Har Baat Ke Baad

Khamosh Reh Kar Bhi Dekha

 Teri Aawaz Aayi Har Saans Ke Baad

-

Mujh Say Mukhlis Na Waqif Meray Jazbaat Say Tha

 Us Ka Rishta To Faqat Apnay Mafadaat Say Tha

 Ab Jo Bichra Hai To Kiya Ro`ain Judai Par Teri

Yeh Andaisha To Humain Pehli Mulaqaat Say Tha...

-

Dost bhi khafa, Hamsafar bhi khafa

Dhoondnay se bhi nahi milti is duniya main wafa

Itnay gunnah kiye hain hum ne zindage main

 Zindagi to kia hum se Mout bhi khafa.....

-

Na Zindagi k Liye Na Dosti K Liye 

Waqat Rukta Nahi Kisi k Liye 

Kadam Doo Kadam Tu Sabhi Chaltay Hein Sath Magher 

Chalta Nahi Koi Sath Zindagi Bhar ke Liye

-

Ye sach hai keh Aa jata hai shohrat ka Asar..

Insaan to kiya dar-o-deewar badal jate hai..

Aur bewafa badle ya naa badle..

Waqt aane par wafadar badal jate hai.

-

Dil Ki Dharkan Ko Dharka Gaya Koi

Merey Khawabon Ko Mehka Gaya Koi ,

Hum Tu Anjanay Raston Pay Chal Rahay Thay

Achanak Hi Pyaar Ka Matlab Seekha Gaya Koi!!!

-

Aankhon Main Aanso Aa Jatay Hain

Phir Bhi Labon Pay Hansi Rakhni Parti Hai, 

Yeh Mohabbat Bhi Kya Cheez Hai Yaaro

Jisay Chahatay Hain Usi Say Chupani Parti Hai !!!

-

Log apna bana ke chod dete hai... Rishta gairo se jod lete hai... 

Hum to ek phool bhi na tod sake... Log to dil bhi tod dete hai!!

-

Rishton Ki Yeh Duniya Hai Nirali,

Sab Rishton Say Pyaari Hai Dosti Tumhari,

Manzoor Hai Aanso Bhi Aankhon Main Humari, 

Agar Aa Jaye Muskan Hontoon Par Tumharay

-

talash karo gay to mill hi jay ga

mager kon tumhein hamari terhan chahy ga

tumhein zaroor koi muhabat ki nigah say dekhay ga

per woh ankhein hamari khaan say lay ga

-

Sooni zindagi me halchal mehsoos hui,

bejan dil me dhadkan mehsos hui,

jane kyu aaj aisa laga,

shayad tumhari kami mehsoos hui

-

yaad rakhna yea zindagi kissi ki amanat nahi hoti

amanat mein kabhi khayanat nahi hoti

dil ko sanbhal kay rakhna ay dost

ishq ki qaid mein kabhi zamanat nahi hoti

-

Barh Gai Kuch AUr Uljhan rabta Kerne K Baad

Khud Se Shikwa Raha Us Se Gila Kerne K Baad

Is Se BArh K Hum Pe Aur Kia Sitam Hoga ~Fatima

Mashwara Manga Hai Us Ne Faisla Kerne K Baad

-

Ye Aur Baat Hai Dushaman Hua Hai Aj Magar

Wo Mera Dost Tha Kal Tak Use Bura Na Kaho

Na Jane Kin Majborion Ka Qaidi Ho

Wo Sath Chore Gaya To Use Bewafa Na kaho

-

Tujhe dekhe bina humne, humdard banaya hai

Haan yaadon ne teri hi, hume jeena sikhaya hai

Mere humraaz, tu humsafar na bane, na sahi

Par toone hi humko yeh pyar sikhaya hai

-

Ik WO Hai Jo Hum Pe Mur Mitnay Ko Tayaar Hai 

Ik Wo Hai Jisay Hamari Kuch Bhi Khaber Nahin

Hum Se Pyaar Ke Jo Waday Kiya Kerta Tha

Ussay Aj Hamari zara Bhi Fiker Nahin

-

Mitti meri kabr se churata hai koi

mar kar bhi yaad ata hai koi

ae khuda ekpal ki zindagi or de mujhe

 udas meri kabr se jata hai koi

-

Kia Tum bhi roay ho kabhi?

Is Qadr Toot kar

Meri yadon se nidhaL ho kar

MujhSe miLney ko Betaab ho kar

Kia TUM bhi roay ho kabhi?

-

"Waqt ki aanch per pather bhi pighaljatay hain

qehqahay toot k ashkon main badal jatay hain

kon kisi ko yad rakhta hai umer bhur k liay

 Waqt k sath khayalat badal jatay hain...!!"

-

Ab tu hi nahin sanam to 

teri yaadein he sahi

In yaadon mein chupi hui yeh batain he sahi
Tha zindagi mein dost Ek teray saath ka he sahara
Jo Ab woh he nahin, to tere yeh jhootey vaade he sahi..
  -


Toot Jaate Hain Sabhi Rishte Magar
Dil Se Dil Ka Raabta Apni Jagah
Dil Ko Hai Tujh Se Na Milne Ka Yaqeen
Tujh Se Milne Ki Dua Apni Jagah
-


Bhoolne waale se koyi keh de zara
Is tarah yaad aane se kya faaida,
Jab mere dil ki duniya basaatey nahin
phir khayaalon mein aane se kya faaida
--


Meri kismat mein tu nahin shayad
Phir bhi tera intizaar karti hoon
Mein tujhay kal bhi pyaar karti thi
Mein tujhay aaj bhi pyaar karti hoon
--


Aey khuda aaj ye faysala ker day
Ose mera ya mujai os ka ker day
Bohat dukh sahay hain main ne zindage main
Koi khushi ab mera muqadder ker day
Nahi naseeb main ager is ka milna
Khatam ker day ye zindage mujai fana ker day
-


woh inkar karty hain ikrar kay liye,
nafrat bhi karty hain to pyar kay liye,
ulti chaal chalty hain yeh ishq karne wale,
ankhein band karty hain didar kay liye...
-



Ujaal chehra ujaal rakhna
meri wafa ka khayal rakhna
main phir aon gi zakham khanay..
chand! pather sanbhaal rakhna

My Poetry Collection

Posted by : Khanzaib Ayub

Tum To Kehti Thi Main Ayungi Har Gali Har Darwaze Ke Peeche.Phir Kiu Nahi Aaye Mere Janazay KePeeche.

Is Per Larki Boli: HaN Main Kehti Thi Main Aayungi Har Gali Har Darwaze Ke Peche Per TumHi Ne Mur Kar Nahi Dekha Ek Aur Janaza Tha Tere Janazay Ke Peeche...

-

dil k karib aa kar jab wo door ho gae
saaray haseen khwaab mere choor ho gae
hum ne wafa nibhaai to badnamiyan milein..
wo ho k bawafa mashhoor ho gae

-

sath dil k chaley dil ko nahi roka humney
jo na apna tha usey toot k chaha humney
aik dhokey main kati umer hamri saari
kia batayein kisey paya kisey khoya humney ..

-

Badalna Ataa Nahi Humain mosamon ki tarhan
Har Aik Rut Main Tera intizaar Kartay Hain
Na Tum Samait Sako ge Jisay Qayamat Tak
Kasam Tumhari Tumhain Itna Pyaar Kartay Hain...!

-

Zakham bhar bhi jaye nishan baqi rehta hai
Alfaz bhool bhi jaien lehja yaad rehta hai
Beshak yeh zindagi ki talkh haqeeqat hai
Kisi ka apnana bhool bhi jaien thukrana yaad rehta hai...

-

tere firak k lamhay shumaar karte huay
bikhar chale hain tera intizar karte huay
to main b khush hoon koi oss se ja k keh de
agar woh khush hai muje bekarar karte huay 

-

Zindgi se wafa bohat ki thi hamne,
Ghamo ke siva aur kuch mila bhi to nahi...
Ek tumko pakar bahut khush thi magar,Sath tera manzil tak mila bhi to nahi....
-

Hoti Nahi Mohabbat Surat Se...

mohabbat To Dil Se Hoti Hai...

Surat Unki Khud Achi Lagne Lagti Hai...

Qadar Jinki Dil Se Hoti Hai.

-

Aankhon Main Aanso Aa Jatay Hain
Phir Bhi Labon Pay Hansi Rakhni Parti Hai

Yeh Mohabbat Bhi Kya Cheez Hai Yaaro
Jisay Chahtay Hain Usi Say Chupani Parti Hai

-

Ankhen to pyar me dilki zuban hoti hai,
sachi chahat to sada bezuban hoti hai.
pyar mai dard bhi mile to kya ghabrana,
suna hai dard se chahat aur jawan hoti hai....

-

har aik shab meri taaza azaab main guzri
tumharay baad tumharay hi khwab main guzri
main aik phool hoon woh mujh ko rakh kay bhool gaya
tamam umar usi ki kitab main guzri

-

aik DOST aisa chahiye jo humain apna maan sukay.
Humaray dukh jaan sukay
Chal rahay hoon hum Barish main
Barish k pani main bhi humaray ansoo pehchan sukay

-

Na jane kya ho ga na mil saky ge tum
saans to chaly ge par zinda na hon ge hum!!..

-

In Barishon se Dosti Achi nahi ~Fatima~

Kacha tera Makaan hai kuch to khyal kar

-

Dua maangi thi Aashiyaane ki..

Chal pari AndhiyaaN Zamane ki..

Mera Gham koi na samaj paya..

kiu k meri Aadat thi Muskuranay ki..

-

Haath uljhay hue resham me phansaa bethay hain

Ab btaa konsay dhaage ko juda kis se karain.....

-

Na-Jaany kon Sa Aansoo kiSsi Say kia Kah Day ~
Hum ISsi Khiyal Say Nazar Jhukaye Baithy Hain 

-

Koi Aisa Dost Banaya Jaye..
Jis K Aansoun Ko Palkon Main Chupaya Jaye..
Rahay Uska Mera Rishta Kuch Aisa...
K Jab Wo Rahay Udas Tu Hum Se Bhi Na Muskuraya jae..

-

Tootay khaabo ko phir sajana aata hai,

Roothay Dil ko manana aata hai..

Aap hamaray gham ko dekh kar pareshan na hoN,

Hame to dard me b muskurana aata hai...

-

mujhay dushman kay iradoon pay bahi payar aata hai
teri ulfat nay mohabbat meri aadat kar dee

-

Jo guzri hai Dil par na sun ley zamana

zubaaN par na aa jaey Ghum ka fasana

Haqeeqat main to Mohabbat yehe hai

Aqeedat kisi se.. rahey gaebaana!

-

Pather mujhey kehta hai mera chahne wala..
Main moom hoon usne kabhi choo ker nahi dekha....

-

karam karo ya sitam hum gila nahi kertey
khizaan men phool yaqinan khila nahi kertey
milao khak men hum ko magar itna rahey khayal
k hum jaese loag dobara mila nahi kertey

-

Palko ke kinare jo humne bhigoye nahi
Sab sochte hain ki hum kabhi roye nahi
Sab poochte hai khwabo mein kise dekhte ho
Hum hai ki ek umar se soye nahi...

-

bhool janay ka irada kar chuki hon phir bhi Dost!

yaad jab aati hai teri doobne lagta hai Dil...

-

Samundar ko kya dukha hai bata bhi nahi sakta,

Aankhon me ansoo laa bhi nahi sakta..

Tum saath chor kar jaa rahe ho mera, Kasoor nahi tera...

Har shaks mera saath nibha bhi nahi sakta.......

-

maine barsooN teri tamanna main,

Zindagi ko Udaas daykha hai

Phir bhi manzil rahi wahein ki wahein,

Door paya hai.., paas dayhka hai..

-

Jinki aankhain ansuon se namm nahi,

kya samajte ho unhe koi gham nahi?

tum tarap kar ro diye to kya hua...

Gham chupa ke hasne wale bhi kam nahi...

-

Kis qadar beychain hon main aj kal

Zindagi ka rukh badalne k liya

Janay wala wakt kis ka dost hai..?..

reh na jaon haath malnay k liye...

-

Kaash Banane Wale Ne Dil Kaanch K Banaye Hote

Kum Se Kum Torhne Wale K Haath Main Zakhm To Aaye Hote

-

wo chand khyalo ki jo duniya main basa hai

mera to hai magar muj sey juda hai...

ye zulm hai saahil pe kharay daykhne walo

Dil doob raha hai mere dil doob raha hai.....

-

kahan tak rahey gi shabsataanN me zulmat

ye naqsha palat doon ye ji chahta hai...

andheroon se main kheylti he rahi hon

sawera bhi daykhon ye ji chahta hai...

-

Falak k teer ka kya nishana tha

idhar mera ghar, udhar uska Aashiyana tha

Pohunch rahi thi kinare pe kashti-E-umeed

kya usi wakt is Tofan ko bhi aana tha...! !! !

-

Lafzon ki justajo main sab kuch ganwa diya..

Wo chal diye main tarz-e-adaa dhoondti rahi..

Osko kisi ne Rub se liya maang

Or main Sajde main gir k hurf-e-dua mangti rahi

-

Tootay huway khaboon ki chubhan kam naheen hoti
Ab ro kay bhi aankhoon ki jalan kam naheen hoti
-

Dil ko jab dasnay lageen wehshat bhari tanhaiyan
Ham teri yadoon ki aik mehfil saja kar ro diay
-
Duniya bhar ki yadain hum say milnay aati hain
Shaam dhalay iss soonay ghar main mela lagta hai
-

kisi ki yaad ke sahare jine mein kya rakha hai
kisi ki yaad ke sahare marne mein kya rakha hai
ab to adat see ho gayee hai dost udas rahne ki
warna jeevan mein udas rehne mein kya rakha hai
-

sun liya hum ne ye faisla tera
or sun kar udaas ho beythay
zehen chup chaap,ankh khari hai
jaise hum kainaat kho beythay
-

Behnay ki khuwahish main jo dabaya zakhm ko
Aansoo meri aankh main phir pather kay ho gaey...
-

Tujh ko chahay or tera he intezaar karay
pagal yeh dil bas tujhi se piyar karay
Teri yaad aye to dhoonday tujh ko har taraf
khud ko bhi qaraar nahi mujh ko bhi beqaraar karay
-

Ishq karnay kay bhi kuch aadab hotay hain
Khule ankhoun main bhi kuch khuab hotay hain
Har koi roo kay dekhai yeh zarori to nahi
Khushk ankhoun main bhi selaab hotay hain...
-

Na janay dil ko kiun ye ehsas hota hai
Tu nahi pass tu tab bhi paas hota hai
Is Dil-E-Nadan nay tujhe chaha he bohat hai
 Tumharay dum say hi to zindagi ka ehsas hota hai
-

ik lumha jo bar bar satata hay, na janay yeh dil kia chahta hay,
kash ap rehtay meri nazron kay samnay,per yeh kash, kash hi reh jata hai
- 

Zindagi jab bhi kisi cheez ki talab karti hai....
Mere hontoN pe tera naam machal jaata hai ! !
-

ik shaks kay kho janay ka dur kion nahi jata,
ye bojh meray dil say uter kion nahi jata
manzil pay pohunch k b usay khona peray ga,
ye sub tayy hay to phir shok-e-safar kion nahi jata?
-

Hazaron kho ker hum nay ek tumhay apnaya tha
Omer bher na bholain gay k kisi se Dil lagaya tha
-

Tum gayron ki baat kartay ho,
hum ney apnay bhi azmaya hai
Log kaanton se bach nikaltey hain,
hum ney phoolon se zakham khaey hain
-

Zindagi apney he payron pe chala karti hai
gayron k saharay to janazay he tha karta hain
-

Azab-e-jaan to sahay hum ney teri chahat main
Lekin shayed jo tera haq tha tuje is qadar nahi chaha
-

Tasalli Dil ki ho jaey agar itna bata do tum
Tumhain bhi hichkiyaan aati hain jab hum yaad kartay hain
-

Tumhain gayron se kab fursat,
Hum apne ghum se kab khali,
Chalo bas ho chuka milna...
Na tum khali.. Na hum khali..
-

Garmiyon ki dhoop or sardiyon ki barishain,
Har mosam ki hain kuch apni he shiddatain,
Meri aankhon main aaj kal barishon ki shiddat hai
Or meray kapatay Dil ko hameysha se garmiyon ka intazar
-

Apney liye to ab 1 he raah-e-nijaat hai
Har sitam ko raza-e-Khuda keh liya karo
-

Waqt iss morr pey kaisa aya hai,
Zakhmi dil zuban pey aya hai,
Nahi rotey they kanton ki chubhan sey,
Aaj tumhari yaad ki chubhan nay humain rulaya hai.
-

Khuda kisi ko kisi pey fida na karey,
Karey tu qayamat tuk juda na karey,
Yeh such hay k koi merta nahi judai mein,
Lekin jee bhi tu nahi sakta tanhai mein.